ХАЛЬХИ вăхăтра ялсенче хĕрỹ ĕç вăй илсе пынипе пĕрлех урамсене, масар таврашне, обществăлла вырăнсене тасатас, тирпей-илем кĕртес ĕç те пырать. Çак кунсенче çеç Кивĕ Ахпỹртсем масар çинче тата унăн таврашĕнче йышпа пысăк ĕç тунине пĕлтерчĕç. Кĕçĕн Патăрьелĕнчи Крепков тата Федор Çитта ячĕллĕ урамсем пĕрлешекен тăкăрлăкра та хастарсен пуçарăвĕпе субботник йĕркеленĕ. Надежда Алякина, Николай Краснов, Ольгăпа Владимир Каллинсем, Юрий Ситовпа Олег Галкин çамрăксем темиçе сехет хушшинчех тăкăрлăка тĕкĕр пек капăрлатса хунă! Çакăн пек хастарсем кашни ялтах пулсан, Юхмапа Пăла тăрăхĕ тата илемлĕрех пулĕ!

 Апрелĕн 1-мĕшĕнчен пуçласа майăн 30-мĕшĕччен Патăрьел муниципалитет округĕнче экологи субботникĕсем иртеççĕ. Çак тапхăртах хамăр пурăнакан тавралăха, урамсене, çул, кỹлĕ хĕррисене, кану паркĕсене тата ытти обществăлла вырăна йывăç лартмалли вăхăт та шутланать.