"Батыревский" тата "Красное Знамя" хуçалăхсенче пĕрчĕллĕ тата пăрçа йышши культурăсене акса пĕтернĕ.

Кăçал муниципалитетра тыр-пул 13713 гектар акма палăртнă. Апрелĕн 17-мĕшĕ тĕлне 4840 гектар никĕсе хывнă, унтан тулă - 2139, урпа - 2263, сĕлĕ - 268, пăрçа 170 гектар йышăнаççĕ.

Сухан вăрлăхне 264 гектар акнă, ку ĕç малалла пырать.

Алманчăри Александр Петров фермер хуçалăхĕнче рапс 150 гектарта çитĕнĕ, унăн вăрлăхне тăпрана хывса пĕтернĕ.

Пĕр çул ỹсекен курăксене 1010 гектар акнă.

Нумай çул ỹсекен курăксене 6480 гектар апатлантарнă, 8640 гектарта нỹр тытнă.

Кĕрхи çĕртмене 13533 гектар сỹреленĕ, 6725 гектар культиваци тунă, 306 гектар дискланă.