Патăрьел муниципалитет округĕн ачасемпе çамрăксен спорт шкулĕпе "Паттăр" ФСК команади Шупашкарти "Олимпийский" стадионта çăмăл атлетикăпа Чăваш Ен чемпионатне хутшăннă. 2008-2009 çулсенче çуралнисенчен Первомайскинчи вăтам шкулти Валерия Гаврилова пĕрремĕш, Кристина Иванова, Патăрьелĕнчи иккĕмĕш вăтам шкулти Кирилл Кабиков виççĕмĕш вырăнсене йышăннă.

2006-2007 çулсенче çуралнисемпе чупса Пăлапуç Пашьел шкул чысне хỹтĕленĕ Николай Соколов (Сител ялĕ) пĕрремĕш вырăна тухнă.

Валерия Гаврилова, Кристина Иванова, Николай Соколов Чăваш Республикин пĕрлештернĕ команди йышне кĕнĕ. Ыран вĕсен Суздаль хулинче иртекен Раççей чемпионатне хутшăнмалла.

Альбина ИВАНОВА