Чăваш Ен спортсменĕсем Орелта карате стилĕпе ирттернĕ Раççей шайĕнчи ăмăртура мала тухассишĕн тупăшса виçĕ кĕмĕл тата виçĕ пăхăр медаль çĕнсе илнĕ. Конкуренци пысăк пулин те пирĕн çамрăксем хăйсен ăсталăхĕ çỹллĕ шайра пулнине кăтартнă. 4 куна тăсăлнă ăмăртăва çĕршыври 57 регионтан 1000 ытла спортсмен хутшăннă. Чăваш Енĕн пĕрлештернĕ командинчи 5 каратист уйрăмах палăрнă.

"ОК-группа-ката" енĕпе 16-17 çулсенчи çамрăксем хушшинче Юхмапа Пăлаçи тăрăхĕнчен Ксения Никитина иккĕмĕш вырăн йышăннă. Çавăн пекех вăл "ОК-55" енĕпе пăхăр медале тивĕçнĕ. Олег Камышев тренерпа Ксениян çитĕнỹпе савăнмалăх пур.