ÇАНТАЛĂК çу еннелле сулăнса пынă май тăтăшах кантăка уçса хурас, пỹлĕме уçă сывлăшпа тасатас килет. Паллах, çапла тумалла та. Анчах та килте шăпăрлансем пур чухне асăрхануллă пулмалла. Вĕсем тỹрех унта хăпарса ларма, урамра мĕн пулнине сăнама кăмăллаççĕ. Çав вăхăтрах москит сеткăран тĕревленес тесе ăнсăртран çỹллĕшĕнчен ỹкме, суранланма пултараççĕ. Ун пек инкекрен Турă сиртĕрех, паллах. Çапах та республикăра çулсеренех çак сăлтавпа синкерлĕ вĕçленнĕ тĕслĕхсем те пулаççĕ. Пĕчĕк пепкесене килте пĕччен хăварманни пурне те инкек-синкекрен сирĕ.