ЮХМАПА Пăла тăрăхĕнчи уйрăм хастарсемпе волонтерсем Украинăри ятарлă çар операцине хутшăнакан ентешĕмĕрсем патне гуманитари пулăшăвĕ çитерсех тăраççĕ. Вăл шутра апат-çимĕç, тумтир, çар ĕçĕнче кирлĕ ытти япала тата ытти те. Юлашки вăхăтра тыл хастарĕсем салтаксем валли нацистсенчен хỹтĕленме маскировка сетки çыхаççĕ. Ку ĕçре чăн малтанах Первомайскисем пысăк пуçарулăх кăтартрĕç. Халĕ, акă Вăтаелсем пĕр çын пек пулса ентеш-салтаксем валли парса яма симĕс йывăç-курăк хушшинче курăнман хỹтĕлев сеткине çыхаççĕ. Çар операцине хутшăнакансем патне çитерекен кашни ĕç, хавхалантару хăвăртрах çĕнтерĕве çывхартма çеç пулăштăр.