Апрелĕн 24-мĕшĕ тĕлне Патăрьел муниципалитет округĕнче пĕрчĕллĕ тата пăрçа йышши культурăсене 10300 гектар (75 процент) акнă, вăл шутран çурхи тулă - 4550, урпа - 4460, сĕлĕ - 830, вăрлăхлăх вика - 80, пăрçа 380 гектар йышăнаççĕ. "Красное Знамя", "Батыревский", "Звезда", "Тойсинская" хуçалăхсенче, А. Петров, Э. Солдатова, Л. Семенов, Б. Емельянов, В. Михайлов, М. Лаврентьева, Л. Краснова, Д. Головин фермер хуçалăхĕсенче тыр-пула никĕсе хывассине вĕçленĕ.

"Исток" çĕр фирминче тата М. Лаврентьева фермер хуçалăхĕнче сахăр кăшманĕ акма пуçăннă. Ĕнерхи куна вăл 70 гектар (17,5 процент) акнă.

Сухан вăрлăхне 505 гектар (91,2 процент), пĕр çул ỹсекен курăксене 1810 гектар акнă.

Кĕрхи çĕртмене 17210 гектар сỹреленĕ, 12800 - культиваци тунă, 590 гектар дискланă.

Кĕрхи культурăсене пĕлтĕр 4437 гектар акса хăварнă. 3276 гектар (73 процент) - аван, 1211 гектар (27 процент) вăтам хĕл каçнă. Вĕсене малалла та ятарлă специалистсем тĕрĕслесех тăраççĕ.