Патăрьел муниципалитет округĕн пуçлăхĕ Рудольф Селиванов, Чăваш Республикин конкурентлă политика тата тарифсем енĕпе ĕçлекен патшалăх службин ертỹçи Надежда Колебанова, Чăваш Енри энерги сутакан компанин директорĕ Дмитрий Константинов "Чăваш Енри энерги сутакан компани" акционерла пĕрлешĕвĕн районсем хушшинчи Патăрьелĕнчи уйрăмĕн çĕнетнĕ çурчĕпе тата ĕçĕ-хĕлĕпе паллашнă.

- Патшалăх служби хăйĕн тивĕçĕсене пурнăçласа инвестици ресурсĕсемпе, пĕрлех патшалăх йĕркелесе тăракан тарифсене те шута илсе, мĕнле усă курнине тĕрĕслесех тăрать.

Инвестици программисемпе пурнăçлакан мероприятисене объектсене çитсе хаклатпăр. Паян эпир "Чăваш Енри энерги сутакан компани" акционерла пĕрлешỹ инвестиципе мĕнле усă курнипе тĕплĕн паллашма пултартăмăр, çакă малашлăхри тĕллевсене палăртма май парать, - тенĕ Надежда Колебанова тĕл пулура.

Ольга БЕЛЬДЕКОВА