Çак кунсенче Патăрьел муниципалитет округĕн пуçлăхĕ Рудольф Селиванов тĕрлĕ сферăра тăрăшакан хастар çамрăксемпе тĕл пулнă.

 Мероприяти кăсăклă, уçă калаçупа иртнĕ. Муниципалитет округĕн пуçлăхĕ çакнашкал тĕл пулу вĕсене общество пурнăçне явăçтарма, çав вăхăтрах пултаруллă та хастар çамрăксене тупса палăртма пулăшнине, вырăнти хăй тытăмлăх органĕпе çывăх хутшăнса ĕçлеме май панине палăртнă.

Диалог формипе йĕркеленĕ хутшăну чĕрĕ, тỹрĕ калаçупа иртнĕ.

- Çамрăксене кăсăклантаракан мĕн пур ыйтăва куçа-куçăн тĕл пулса, яш-кĕрĕмпе вырăнти хăй тытăмлăх органĕ тачă çыхăнура ĕçлесен çеç татса пама пулать,- çапла пĕтĕмлетнĕ хăйĕн шухăшне Патăрьел муниципалитет округĕн пуçлăхĕ Рудольф Селиванов.

(Хамăр корр.).