Чăваш Енĕн пултаруллă ачисем Мускава курма кайса килчĕç. Вĕсем унта И.И. Картуков ячĕллĕ "Искра" акционерсен пĕрлешĕвĕн ĕçĕ-хĕлĕпе паллашрĕç. Делегаци йышне Патăрьелĕнчи пĕрремĕш вăтам шкулти Алексей Ванисов та кĕнĕ. "Искра" генеральнăй директорĕ

- Владимир Алексеевич Сорокин. Вăл "Элара" акционерсен пĕрлешĕвĕн директорсен канашĕн председателĕ те. Владимир Алексеевич пирĕн республика аталантăр тесе сахал мар тăрăшать. Унăн ячĕ Раççейре çеç мар, ют çĕршывра та палăрнă. Вăхăтĕнче çар çынни тата ученăй-практик пулнă. Çĕрпỹ районĕнчи Опытный поселокĕнче çуралнă. Наука ĕçĕсемпе палăрнă. Вĕсем çĕршыв хỹтĕлев- лĕхне тĕреклетме пулăшаççĕ.

 Ачасем ракета мĕнле тунине курнă. Владимир Алексеевичпа куçа-куçăн калаçнă. Çавăн пекех ракета двигательне пухакан цехпа та паллашнă.

 "Искра" пĕрлешỹре музей та пур. Унта çак организаци 1946 çултанпа мĕн ĕçлени уççăн курăнать.

 Çавăн пекех ачасем валли Мускавра экскурси те йĕркеленĕ.

- Çул çỹрев кăмăла кайрĕ. Çĕршывăн тĕп хулинче пулни, Хĕрлĕ Лапама çитни мĕне тăрать. Савăнăçăн вĕçĕ çук. "Искра" предприятин ĕçĕ-хĕлĕ кăсăклантарчĕ. Ăста программистсем ĕçлеççĕ унта. Малашлăха çак енĕпе çыхăнтарас кăмăлăм та çуралчĕ,- тет Алексей Ванисов.

Альбина КАПИТОНОВА

ШУХĂШ

Наталия АНДРЕЕВА, Патăрьелĕнчи пĕрремĕш вăтам шкул директорĕ: - 9 класра вĕренекен Алексей Ванисов Мускавра пулса курнишĕн хĕпĕртемелĕх пур. Вĕсем делегаципе "Искра" акционерсен пĕрлешĕвне çитнĕ. Шăпах робот техникипе, информатикăпа интересленет вĕренекен. Çул çỹрев малашлăх çулне уçма пулăшасса шанас килет. Çакăн валли тăрăшулăхĕ çитет унăн. Лайăх вĕренет.