Философ, философи наукисен докторĕ (1993 çул), профессор (1994), Пĕтĕм тĕнчери информатизаци академийĕн чăн членĕ, Чăваш АССРĕн аслă шкулăн тава тивĕçлĕ ĕçченĕ, халăха вĕрентес ĕç отличникĕ (1978), Раççей Федерацийĕн наукăн тава тивĕçлĕ ĕçченĕ (2010), И.Н.Ульянов ячĕллĕ Чăваш патшалăх университечĕн тава тивĕçлĕ профессорĕ (2004), Н.Я. Бичурин ячĕллĕ преми лауреачĕ, И.Н. Ульянов ячĕллĕ Чăваш патшалăх университечĕн, патшалăх университечĕсен Атăлçи ассоциацийĕн премийĕсен, Чăваш Республикинчи гуманитари наукисен облаçĕнчи Патшалăх премийĕн лауреачĕ

Энвер Зиатдинович Феизов (30.04.1928-14.06.2011) 95 çул каялла Шăнкăртамра çуралнă. Энвер Феизов - Хусанти педагогика институчĕн выпускникĕ. Ĕç стажне 1950 çулта вĕрентекен пулса пуçланă. 1952-1960 çулсенче преподавательте, 1960-1962 çулсенче Чкаловскинчи (халĕ Шăнкăртам) вăтам шкул директорĕ пулса ĕçленĕ. 1962-1970 çулсенче Мускав энергетика институчĕн Атăлçи филиалĕнче тăрăшнă. 1970-1979 çулсенче И.Я.Яковлев ячĕллĕ Чăваш патшалăх педагогика институчĕн (халĕ университет) философи кафедрине ертсе пынă. 1979-1983 çулсенче философи кафедрин доценчĕ, 1993-2011 çулсенче И.Н.Ульянов ячĕллĕ Чăваш патшалăх университечĕн философипе методологи наукисен кафедрин заведующийĕ пулнă.

Энвер Зиатдинович 200 ытла наука ĕçĕн авторĕ, вăл шутра 50 яхăн монографи. Унăн тĕп ĕçĕсем: "Восприятие и реальность", "Мозг, психика и физика", "Мозг, его структура и функции", "Общая методология", "Методология научного познания" тата ытти те.

Ентешĕмĕре Чăваш АССР Верховнăй Канашĕн (1990), Чăваш Республикин Патшалăх Канашĕн (2003) Хисеп грамотисемпе наградăланă.

 "Çулталăк кĕнекинчен"