Патăрьел триатлечĕсен команди Удмурт Республикинче Ачасен лигин шывра ишес енĕпе ирттернĕ ăмăртăвне хутшăннă. Унта çĕршывăн 4 регионĕнчи 160 ытла спортсмен явăçнă. Юхмапа Пăла тăрăхĕн хастарĕсем лайăх кăтартусемпе савăнтарнă. Алсу Кучатова, Сафия Хафизова ылтăн, Софья Яковлева, Исмаиль Янтыков кĕмĕл, Карим Камалдинов, Самир Ямалетдинов, Дина Хафизова пăхăр медальсене çĕнсе илнĕ. Ева Рубцова, Лиза Матвеева, Кирилл Пашкин та пьедесталран аякра пулман.

 Суздальтен - медальпе Суздаль хулинче ирттернĕ çăмăл атлетика енĕпе Раççей чемпионатĕнче пирĕн ентеш,

Сител каччи Николай Соколов 2006-2007 çулсенче çуралнă 18 çул тултаричченхи çамрăксемпе чупса хастарлăх кăтартнă - пăхăр медаль çĕнсе илнĕ. Савăнмалăх пур. Çакăнта Михаил Прокопьев тренер-преподавателĕн тỹпи те пысăк.

 Каратэри çитĕнỹсем савăнтараççĕ

Чăваш Республикинче каратэ-до-шотокан-рю-казе-ха мелĕпе чемпионат иртнĕ. Унта Юхмапа Пăла тăрăхĕн спортсменĕсем те хутшăннă. Çапăçу мелне пĕлекен ăстасем хăйсем уйрăм, ку енĕпе пуçласа ăмăртăва хутшăнакансем тепĕр ушкăнра тупăшнă. Патăрьел муниципалитетĕнчен кайнă 21 çамрăкран 9-шĕ ылтăн, пиллĕкĕшĕ пăхăр, пиллĕкĕшĕ кĕмĕл медальсене тивĕçнĕ.

Альбина ИВАНОВА