ПИРĔН ентешĕмĕр, паллă журналист, нумай пулмасть çеç Раççей кинематографисчĕсен союзĕн членĕ пулса тăнă Марина Карягина ячĕ каллех Чăваш Енре ырă енĕпе палăрнă. Çак кунсенче çеç республикăри Наци вулавăшĕнче "Литературăллă Чăваш Ен: 2022 çулхи кĕнеке" фестиваль-конкурсра унăн пĕлтĕр пичетленсе тухнă икĕ кĕнеки те - "Вăхăт тараси" тата "Урăх ăру-Другое поколение-A different generation" - республикăри фестиваль-конкурс çĕнтерỹçисен йышне кĕнĕ. Ăмăрту çивĕч пулнă, пĕлтĕр пичетленсе тухнă 588 кĕнекерен пирĕн ентешĕмĕрĕн ĕçне хисеплĕ жюри "Поэзи жанрĕпе çырнă чи лайăх кĕнеке" номинаципе хак панă.