Республикăри вĕрентỹ институчĕ Чăваш Енри Педагог тата наставник çулталăкне халалласа "Чи лайăх педагог сайчĕ" конкурс ирттерчĕ. Ăна вĕрентỹ организацийĕсен ĕçченĕсем интернетпа мĕнле усă курнипе интересленес тĕллевпе йĕркеленĕ.

Конкурса шкул çулне çитмен, пĕтĕмĕшле тата профессиллĕ пĕлỹ, ачасене хушма пĕлỹ паракан вĕрентỹ организацийĕсенче, ятарлă шкулсенче ĕçлекен педагогсем хутшăннă.

Патăрьелĕнчи пĕрремĕш вăтам шкулти математика учителĕ Гульнафис Азмукова конкурсра "Пĕтĕмĕшле пĕлỹ паракан организацисенчи педагогсен сайчĕ" номинацире иккĕмĕш вырăн йышăннă. Гульнафис Сабирзяновнан ырă тĕслĕхне ыттисем усă курсан вырăнлах.

Альбина ИВАНОВА