Майăн 26-28-мĕшĕсенче "Ялта чи лайăххисем" агродоброволецсен слечĕ иртет. Кăçалхипе ăна иккĕмĕш хут йĕркелеççĕ. Мероприяти Тăвай районĕнчи Енĕш Нăрваш ялĕ çывăхĕнче "Медвежий угол" кану базинче пултаруллă çамрăксене пухать.

Программăра - ял çамрăкĕсен спартакиади, культура мероприятийĕсем, "çавра сĕтелсем", ăсталăх класĕсем. Слета республикăри мĕн пур округри, вăл шутра Юхмапа Пăла тăрăхĕнчи ял çамрăкĕсем те - тухтăрсем, педагогсем, культура, ял хуçалăх ĕçченĕсем хутшăнаççĕ.

Асăннă проект "Единая Россия" партин "Раççей ялĕ" проекчĕн пулăшăвĕпе пурнăçланать.

 Александр ИВАНОВ