Раççей Федерацийĕн "Тăлăх тата ашшĕ-амăшĕсĕр юлнă ачасене хушма социаллă пулăшупа тивĕçтересси" тата Чăваш Республикин "Çурт-йĕр ыйтăвне йĕркелесси пирки" саккунĕсемпе килĕшỹллĕн ашшĕ-амăшĕсĕр юлнă Çĕньялти Любовь Колпакова та çак кунсенче хваттерлĕ пулнă. Ăна Патăрьел муниципалитет округĕн пуçлăхĕн пĕрремĕш çумĕ - хăтлăх кĕртессипе территорисен аталанăвĕн управленийĕн начальникĕ Николай Раськин, Патăрьел муниципалитет округĕн пуçлăхĕн çумĕ - строительство, çул-йĕр тата коммуналлă çурт-йĕр хуçалăх пайĕн начальникĕ Равиль Ямалетдинов хваттер уççи панă.

Кăçал Юхмапа Пăла тăрăхĕнчи пилĕк тăлăха çурт-йĕрпе тивĕçтерме палăртнă, çакна валли 7 млн тенкĕ ытла уйăрнă. Паяна вара ашшĕ-амăшĕсĕр юлнă тата 23 ача пурăнмалли вырăн кирлипе черетре тăрать.

 (Хамăр корр.)