ЮХМАПА Пăла тăрăхĕнче тĕрлĕрен наци программисемсĕр, пуçару бюджечĕсĕр пуçне халăх вăйĕпе, хастарлăхĕпе хăйсем пурăнакан вырăна хăтлăлатас тĕллевпе кар тăраççĕ. Çакă пархатарлă та сăваплă ĕç. Вĕсен шутне ялсенче пĕчĕк часовньăсем, кĕлĕ вырăнĕсем тăвасси те ырă йăлара. Нумай пулмасть çеç Сителсем Юрий Степанов ертсе пынипе кар тăрса кĕске вăхăтрах масар çинче часовня туса лартрĕç. Пархатарлă ĕçе Кивĕ Ахпỹртсем те пуçăнчĕç. Халĕ объектра юлашки ĕçсем пыраççĕ. Иртнĕ эрнере ял-йыш вăйĕпех куполне вырнаçтарнă. Çветтуй Троица уявĕ тĕлне вара çак ялсемшĕн сăвапланă кĕл тумалли часовня вырăнĕ пысăк парне пулĕ.