Е сăн ỹкерчĕк патне каялла таврăнса 2023 çулхи апрелĕн 18-мĕшĕнче пичетленсе тухнă "Авангард" хаçатра "Сухан-севок купарах ешĕлленет" ятпа кĕске информаци кун çути курнăччĕ. Унта Пикшик ял территорине кĕрекен Тикеш ялĕнчи "Юман" магазинтан аякрах мар аслă çул хĕрринче хуралтăсем туса лартнă (çурчĕ çук) хуçа пĕлтĕрхи сухан-севокне тата унăн каяшне умнех купаласа хунине (çавăнтах хĕл каçнă), вараланине çырнăччĕ. Унтанпа икĕ уйăх иртрĕ, анчах ырă улшăну пулмарĕ. Ун вырăнне сухан-севок купи тата çĕнелсе, сарăлса çеç кайнă! Халĕ шăрăх кунсенче ырă мар шăршă сарăлнипе пĕрлех шăна-пăван та сĕрлĕ. Çак сăлтавпа сăн ỹкерчĕк патне каялла таврăнма тиврĕ те...

 Альбина ЕГОРОВА