Çулленех çурхи ĕçсем вĕçленсен Патăрьел муниципалитет округĕнче яваплă тапхăра мĕнле ирттернине пахалама уй-хир тĕрĕслевне ирттереççĕ. Кăçал вăл июнĕн 2-мĕшĕнче пулчĕ. Унта Патăрьел муниципалитет округĕн пуçлăхĕ Рудольф Селиванов тата унăн çумĕ - экономика, ял хуçалăх тата инвестици ĕç-хĕл пайĕн начальникĕ Виктор Львов, АПК ветеранĕсем, ял хуçалăх предприятийĕсен, фермер хуçалăхĕсен ертỹçисем, хими препарачĕсемпе ĕçлекен "Сингента", "Шанс", "Альфа-Агро" предприятисен представителĕсем хутшăнчĕç. Территори уйрăмĕн пуçлăхĕсем вара вырăнсенче кĕтсе илчĕç.

 Çул çỹрев 200 çухрăма яхăн тăсăлчĕ. Мероприятире кашнийĕ хирсене хăйĕн куçĕпе курса хакларĕ, çавăн пекех пĕр-пĕрин опычĕпе, çĕнĕлĕхсемпе паллашрĕç.

Уй-хир тĕрĕслевĕ пирки тĕплĕнрех çитес номерте паллаштаратпăр.

 Ольга ПАВЛОВА