Июнĕн10-мĕшĕнче "Хĕвеллĕ" уçланкăра "Тăван ен - эпир сана саватпăр!" ятпа ачасен йăлана кĕнĕ Акатуй-Сабантуйĕ иртрĕ. Кăçал вăл 18-мĕш хут пулчĕ. Ăна Раççейри Педагогпа наставник, Чăваш Енри Телейлĕ Ачалăх çулталăкне халалланă.

 Уяв ячĕпе пухăннисене Патăрьел муниципалитет округĕн пуçлăхĕн пĕрремĕш çумĕ - хăтлăх кĕртессипе территорисен аталанăвĕн управленийĕн начальникĕ Николай Раськин саламларĕ.

Хаваслă мероприятие муниципалитет округĕнчи вĕрентỹ учрежденийĕсенче пĕлỹ пухакан çитĕнекен ăру "С чего начинается Родина" юрăпа уçрĕ. Пĕрлештернĕ хор сцена çине пуçласа тухнине ырламалла.

Уяв ялавне Пĕтĕм Раççейри тата регион шайĕнчи олимпиадăра мала тухнă Митта Ваçлей ячĕллĕ Первомайски вăтам шкулĕнчи Владислав Клементьев, Пăлапуç Пашьелĕнчи вăтам шкулти Ксения Степанова, Шăнкăртамри пĕрремĕш вăтам шкулти Мериям Валитова хăпартрĕç.

Раççей кунне паллă тума хатĕрленнĕ май округри çамрăк граждансене пурнă- çĕнчи тĕп документа - паспорт - пачĕç. Çак ятпа вĕсене нумай функциллĕ центр директорĕ Миляуша Хуснетдинова тата муниципалитет округĕн пуçлăхĕн çамрăксемпе ĕçлекен советникĕ Юлия Селиванова саламларĕç.

Пĕтĕм Раççейри, тĕнчери, регионсем хушшинчи тата регион шайĕнчи олимпиадăсен, кĕçĕн классен республикăри интеллектуаллă вăййисен çĕнтерỹçисемпе призерĕсене чысларĕç. Çак хисеп Митта Ваçлей ячĕллĕ Первомайски вăтам шкулĕнчи Владислав Клементьевпа Роман Смирнова (ертỹçи Владимир Матюшкин), Патăрьелĕнчи пĕрремĕш вăтам шкулти Виктория Ивановăна (Юрий Васюткин), Аслă Чементи вăтам шкулти Андрей Тарасова (Петр Макаров), Пăлапуç Пашьелĕнчи вăтам шкулти Ксения Степановăна (Вероника Бахитова), Патăрьелĕнчи пĕрремĕш вăтам шкулти Лилия Ляллинăпа Анастасия Поповăна (Светлана Попова), Патăрьелĕнчи пĕрремĕш вăтам шкулти Юлия Муллинăна (Наталия Путякова), иккĕмĕш вăтам шкулти Майя Остряковăна (Татьяна Дмитриева, Марина Иванова), Ишлĕри пĕтĕмĕшле пĕлỹ паракан тĕп шкулти Ярослав Михайлова (Светлана Едифанова), Нăрваш Шăхалĕнчи вăтам шкулти Татьяна Павловăна (Лидия Павлова), Пăлапуç Пашьелĕнчи вăтам шкулти Ксения Степановăна, Лидия Александровăна, Анастасия Бахитовăна, Александр Ларева (Светлана Никитина), Ыхра Çырминчи вăтам шкулти Анастасия Красновăна (Светлана Кулакова), Шăнкăртамри пĕрремĕш вăтам шкулти Алия Алиякберовăна, Мериям Валитовăна (Роза Айзатуллова,Закия Мтеева), Диня Юмаевăна (Гельсирень Абейдуллова), Ыхра Çырминчи вăтам шкулти Ильнара Алеевăна (Гульнара Тазетдинова), Тутар Сăкăтĕнчи вăтам шкулти Айсиня Абяновăна (Гелназ Велиуллова), Анат Туçари пуçламăш шкул-садри Дарья Михайловăна (Людмила Маркова), Хирти Пикшикри вăтам шкулти Милана Хромовăна (Людмила Данилова), Патăрьелĕнчи пĕрремĕш вăтам шкулти Дарья Егоровăна, Артем Львова (Оксана Васильева), София Ежовăна (Светлана Сафьянова), София Кудряшовăна (Ольга Спинова), Э. Феизов профессор ячĕллĕ Шăнкăртамри вăтам шкулти Рания Тазетдиновăпа Рамина Рафиковăна (Алсу Земдиханова), Айзиля Валитовăна (Гельнара Пазюкова), Дина Абдулвалеевăна(Гульнара Мухаметнурова) тивĕçрĕ.

Çитĕнекен ăрупа педагогсене муниципалитет округĕн администрацийĕн вĕрентỹ, çамрăксен политики тата физкультурăпа спорт управленийĕн начальникĕ Ирина Рубцова, муниципалитет округĕн депутатсен Пухăвĕн депутачĕсем Наталия Андреева, Гелсирень Абейдуллова, республикăри Ача прависене хỹтĕлекен уполномоченнăйĕн Патăрьел округĕнчи обществăлла пулăшуçи Светлана Ибетова саламларĕç.

Сцена çинче ачасен пултарулăх ушкăнĕсен юрри-ташши нумайлăха янăрарĕ. Алă ĕçĕсен кружокĕсен мастер-класĕсем пулчĕç. Çанталăкĕ сар хĕвелпе савăнтармарĕ пулин те уяв кăмăллă, асра юлмалла иртрĕ.

Альбина АСТРАХАНЦЕВА