"Чăваш Республикинчи Патăрьел районĕнчи ĕçлекенсен ĕç условине, ĕç сыхлавне тата сывлăхне лайăхлатасси" çум программăпа килĕшỹллĕн муниципалитет округĕнче организацисем, учрежденисем тата уйрăм предпринимательсем хушшинче иртнĕ çул кăтартăвĕсемпе апрелĕн 12-19-мĕшĕсенче смотр-конкурс иртнĕ. Материалсене комисси пăхса тухнă хыççăн пĕрремĕш ушкăнра (500 çын ытларах ĕçлекен организацисем хушшинче) Патăрьелĕнчи тĕп больница мала тухнă. Иккĕмĕшĕнче 100тен пуçласа 500 çын таран вăй хуракан учрежденисем кĕнĕ, вĕсенчен Патăрьелĕнчи пĕрремĕш вăтам шкул çĕнтернĕ. Виççĕмĕш ушкăнра (предприятинче 50-ран пуçласа 99 çын таран тăрăшать) акционерсен "Батыревский" хупă пĕрлешĕвне çитекен пулман.

(Хамăр корр.)