ПАТĂРЬЕЛĔНЧИ пĕрремĕш вăтам шкул выпускникĕсем çулсеренех Пĕрлехи патшалăх экзаменĕнче чи пысăк кăтартупа палăрни савăнтарать. Пĕлтĕр акă, çак шкулта вĕреннĕ Александра Иванова хими предмечĕпе ППЭ тытса 100 балл пуçтарма пултарнăччĕ. Кăçалхи тĕрĕслевпе вара çак шкултанах Элина Рубцовăпа (вĕрентекенĕ Гэлия Купкенова) Виктория Сорокина (вĕрентекенĕ Анастасия Кубикова) тата Самира Хуснетдинова (вĕрентекенĕ Надежда Кошкина) палăрчĕç. Вырăс чĕлхипе иртнĕ тĕрĕслев пĕтĕмлетĕвĕпе Чăваш Республикинчи 35 каччăпа хĕр мĕн пур ыйтăва тĕрĕс хуравласа 100 баллисен шутне кĕнĕ. Вĕсен йышĕнче Патăрьелĕнчи пĕрремĕш вăтам шкултан Элинăпа Виктория пулни телей çеç мар, вĕрентекенсен те, ачасен те пĕрлехи ĕçĕн кăтартăвĕ. Çавăн пекех Самира вара историпе 100 балл пухма пултарнă.