ПАЯН интернетсăр чăнах та пурăнма йывăр. Ун урлă тĕнчери, Раççейри, республикăри, çавăн пекех муниципалитет округĕнчи хыпарсене те пĕлетпĕр. Электричествăшăн, газшăн тỹлеме, тухтăр патне больницăна çырăнма та вăлах кирлĕ. Шел пулин те, хăш-пĕр чухне сеть тытманни кăмăла хуçать, тарăхтарать. Тутар Сăкăтĕнче пурăнакансемшĕн малашне чăрмавсем пулмаççĕ. Кунта МТС компани пысăк хăвăртлăхлă мобильлĕ интернет вырнаçтарнă. Çамрăксемпе пĕрлех аслисем те халь HD-пахалăхлă фильмсем пăхма, онлайн библиотекăра юратнă произведенисене вулама, Патшалăх тивĕçтерĕвĕ (Госуслуги) урлă заявленисем пама, шкулта вĕренекенсем хăйсен тавра курăмне анлăлатма, пĕлĕвне ỹстерме пултараççĕ.