2005 ÇУЛТА тата каярах çуралнă çамрăксем хушшинче Çĕнĕ Шупашкарта пляж волейболĕпе (командăра икĕ çын) республика чемпионачĕ иртнĕ. Ăмăртăва Юхмапа Пăла тăрăхĕнчи яшсемпе хĕрсем те хутшăнса хăйсен ăсталăхне кăтартнă. Чи вăйлисен шутне кĕрессишĕн 18 команда тупăшнă. Патăрьелсем чăннипех те маттур çав, пушă алăпа килмен. Каччăсенчен Александр Суворовпа Максим Шутов иккĕмĕш вырăн çĕнсе илнĕ. Максим Ефремовпа Дмитрий Иванов та кайрисен ретĕнче мар - тăваттăмĕш тухнă. Пикесем та муниципалитет чысне начар мар хỹтĕленĕ - Юлия Плешковăпа Диана Маркова тăваттăмĕш йышăннă.

Спортсменсене Дмитрий Сеговпа Николай Пласкин тренерсем хатĕрленĕ.