ПУШАР тесен кашнийĕн чунĕ шикленет. Июнĕн 21-мĕшĕнче ирхи 6 сехетре Сăкăтра пурăнакансем те шартах сикнĕ. Вут 63 çулхи арçын пурăнакан çурта хыпса илнĕ. Пỹртпе пĕрлех хуралтăсем те сиенленнĕ. Çулăма пушарнăйсем сỹнтернĕ хыççăн кил хуçин те пурнăçĕ татăлни палăрнă. Малтанхи пĕтĕмлетỹсем тăрăх, инкек пирусран тухнă

 Пỹртре вырăн çинче е ларнă чухне йытă çимен япалана мăкăрлантарни ырри патне илсе пымасть, пушар тухас хăрушлăха çеç ỹстерет. Вут-çулăмпа кĕрешекенсем те çынсене асăрхануллăрах пулмаллине, хăрушсăрлăха пăхăнмаллине асра тытма ыйтаççĕ. Вутăн алли вăрăм, вăл никама та, нимĕскере те хĕрхенмест.