Патăрьел муниципалитет округĕнче мобилизаци йĕркипе Украинăри ятарлă çар операцине хутшăнакансен çемйисене пулăшу парас тĕллевпе Координаци канашĕн ларăвĕ иртрĕ.

Унăн ĕçне Патăрьел муниципалитет округĕн пуçлăхĕ Рудольф Селиванов, пĕрремĕш çумĕ - хăтлăх кĕртессипе территорисен аталанăвĕн управленийĕн начальникĕ Николай Раськин, "Тăван çĕршыв хỹтĕлевçисем" патшалăх фончĕн Чăваш Енри филиалĕн Патăрьел округĕнчи социаллă координаторĕ Алена Петрова, Патăрьел тата Шăмăршă районĕсен çар комиссарĕ Вячеслав Илюткин, халăхăн социаллă тивĕçтерỹ центрĕн директорĕн ĕçне вăхăтлăх пурнăçлакан Наталия Федоськина хутшăнчĕç.

Канашлура çар ĕçĕсене хутшăнакансен, унтан таврăннисен докуменчĕсене хатĕрлессипе çыхăннă, вĕсен ачисене - 11 класран вĕренсе тухакансене - справкăсем парас, аслă шкулсене вĕренме кĕме пулăшас тата ытти ыйтусене сỹтсе яврĕç.

Канашлăва хутшăннисем çавăн пекех банк умĕнче парăмлă çемьесене кредит каникулĕ парас тĕлĕшпе ăнлантару ĕçĕ ирттерме кирлине те палăртрĕç.

Мобилизациленĕ граждансен çемйи членĕсене пурлăх тĕлĕшĕнчен пулăшу парас ыйтăва та сỹтсе яврĕç. Рудольф Селиванов çар служащийĕсен çемйисене çакнашкал тата йăла ыйтăвĕсемпе тивĕçтернисĕр пуçне психологи тĕлĕшĕнчен те пулăшу кирлине асăнчĕ.

Альбина ИВАНОВА