Вырма ĕçĕсем пуçланас умĕн яваплă тапхăра çухатусăр, ăнăçлă ирттерсе ярас тĕллевпе ял хуçалăх предприятийĕсемпе фермер хуçалăхĕсенче йĕтемсемпе тырă управĕсене, аллакан, тырă пухса çапакан комбайнсене тата ыттине те вырмана хатĕр пулнине тĕрĕслес тĕллевпе Патăрьел муниципалитет округĕн пуçлăхĕн хушăвĕпе килĕшỹллĕн июлĕн 3-13-мĕшĕсенче ятарлă комисси рейдсем ирттерет.

Комиссинче Патăрьел муниципалитет округĕн администрацийĕн экономика, ял хуçалăх тата инвестици ĕç-хĕл пайĕн начальникĕн тивĕçĕсене вăхăтлăх пурнăçлакан Андрей Воробьев (председатель), çак пайри Ирина Хадарова тĕп специалист, патшалăх техника надзорĕн муниципалитет округĕн инспекторĕ Сергей Сафьянов, "Россельхозцентр" учрежденин филиалĕн районсем хушшинчи Патăрьелĕнчи филиалĕн тĕп агрономĕ Юрий Кошкин тата ытти яваплă служба ĕçченĕсем пулаççĕ.

(Хамăр корр.)