Патăрьел муниципалитет округĕнчи Кзыл Чишма ялĕнчи çамрăксен "Сэлэт-Батыр" общество центрĕнче ачасен кану лагерĕн иккĕмĕш смени уçăлчĕ. Ку хутĕнче унта 60ăн сывлăха çирĕплетĕç. Муниципалитет округ администрацийĕн вĕрентỹ, çамрăксен политики, физкультура тата спорт управленийĕн начальникĕ Ирина Рубцова иккĕмĕш смена уçăлнă ятпа линейкăна пухăннисене саламларĕ, хаваслă кану сунчĕ

. Профильлĕ кану çамрăксен ăсталăхне палăртма, вĕсене малалла хăйсем тĕллĕн аталанма май парĕ.

Ачасемпе туризм тата спорт енĕпе ĕçлĕç. Интереслĕ мастер-классем тата занятисем пулĕç. Футболла, волейболла, баскетболла выляссине мала хурĕç. Сывă пурнăç йĕрки çинчен лекцисем вулаççĕ. Спорт ташшисем (чирлидинг), йога, фитнес илĕртĕ тата ытти те.

Вĕрентỹ занятийĕсем те пулмалла.

Альбина ИВАНОВА