ЯЛТА кашни килте тенĕ пекех кушакпа йытă пур. Пĕрре кăна та мар, 2-3 усракансем те самаях. Малашне, 2024 çулхи мартăн пĕрремĕшĕнчен, обязательнăй йĕркепе тăватă ураллă туссене те патшалăх ветеринари службинче регистрацилемелле пулать. Хальхи вăхăтра юнашар пурăнаканнисене маларах шута тăратмалла, çĕннине туянсан 15 кунта чĕр чун пирки ветеринари службине пĕлтермелле. Çурасем виçĕ уйăха çитсен çак ĕçе пурнăçламалла.

Йытăпа кушакка патшалăх ветеринари службине пынă кунах регистрацилеççĕ, çакна валли çумра хуçин хăйĕн документ кирлĕ. Кун хыççăн ветеринар удостоверени парать.

Кирлĕ хутсене çухатасси те пулать, ун пек чухне дубликат хатĕрлесе параççĕ.