Астăвăмпа хурлану кунĕнче çеç мар, ытти вăхăтра та Вăтаел ялĕнчи библиотекăра вăрçă темипе çырнă кĕнекесене вуласа сỹтсе явассине йĕркелеççĕ. Ку хутĕнче те çаплах пулчĕ. Надежда Яковлева библиотекарь малтан "Я - русский солдат" кĕнеке авторĕн Борис Васильевăн пурнăçĕпе паллаштарчĕ.

Тăван çĕршывăн Аслă вăрçи çакăн пек кĕтмен çĕртен пуçланасса никам та кĕтмен. Хĕрлĕ çар çĕнтерессе, совет халăхĕ мирлĕ пурнăçпа малалла пурăнасса вара пĕлсех тăнă. Çынсем асапланнă, çавах парăнман.

Мероприяти вăхăтĕнче илемлĕ фильмăн пĕр сыпăкне пăхни те витĕмлĕ пулнă. Паян та пур пирĕн хушăра паттăрсем. Туçа территори пайĕнчен çеç Украинăри ятарлă çар операцине сахал мар çамрăк хутшăнать. Ывăлĕпе пĕрле алла пăшал тытнă ашшĕ те пур. Çĕнтерĕве çывхартма ял халăхĕ те хутшăнать. Гуманитари пулăшăвĕпе кучченеçсем парса ярать салтаксем патне.

Альбина ИВАНОВА