Юлашки çулсенче Акатуй-Сабантуйра Шăнкăртамри Ринас Садаров тĕрлĕ енлĕ кĕрешỹпе абсолютлă паттăра тухса халăха хăйĕн вăйĕпе чăннипех те тĕлĕнтерет. Çак кунсенче вара тĕнче класлă Раççей спорт мастерĕ Ринас Садаров корэш кĕрешĕвĕпе виççĕмĕш хут тĕнче Кубокне тивĕçнĕ. Тытăçусем иртнĕ вырсарникун Мускавра вĕçленнĕ.

Фарид Чабатов воспитанникĕ хăйĕн черетлĕ çитĕнĕвне çивĕч тупăшура тунă. Унта 90 килограмм таранчченхи 100 ытла кĕрешỹçĕ 17 çĕршывран хутшăннă. Турнирта вара 60 килограмран пуçласа 130 килограмран йывăртарах спортсменсем 10 комплект парнешĕн кĕрешнĕ. Финалта Раççей, Кăркăстан, Таджикистан, Казахстан, Беларусь, Иран, Бангладеш паттăрĕсем тĕл пулнă.

Альбина ИВАНОВА