ИНКЕК куçа курăнса килмест, çапах вăл ура айĕнченех йăтăнса тухма пултарать теççĕ. Асăрханмасан, тимлĕ пулмасан кирек кам та усал серепине çакланма пултарать. Акă, юлашки вăхăтра МИХра хваттере е кил-çурта шăна-пăван вĕçсе кĕресрен хỹтĕленме кантăк çине карса хунă москит сеткипе улталаннă, урама тухса ỹкнĕ ачасем пирки тăтăшах çыраççĕ.

Çак кунсенче çеç Шупашкарта каллех пĕчĕк пепке тăххăрмĕш хутран персе анса ашшĕ-амăшне хуйхă кăтартнă пирки хыпарларĕç. Пирĕн тăрăхра округ центрĕнче, Патăрьелĕнче, нумай хутлă çуртсем чылай. Ялсенчи уйрăм хуçалăхсенче те 2-3 хутлă хăтлă çуртсем пур. Çавăнпа та кантăксем уçă вăхăтра шăпăрлансем çакнашкал инкек туса хурасран асăрхансах тăмалла, вĕсене куçран вĕçертмелле мар.