ИЮЛЬ уйăхĕ утçи пулнине пăхмасăрах çулсеренех ялсенче туй кĕрлет, çамрăксем çĕнĕ çемье çавăраççĕ... Шăп та лăп 50 çул каяллахи çулла та, июлĕн 14-мĕшĕнче, Патăрьелĕнче пурăнакан Владислав Андреевичпа Татьяна Ильинична Табаковсем пĕр-пĕрне ылтăн çĕрĕ тăхăнтартнă, ĕмĕр тăршшĕпе пĕр сукмакпа утма тупа тунă. Çывăх кунсенче хисеплĕ ентешĕмĕрсене ылтăн туй ячĕпе çывăхри-аякри тăванĕсем хапăлласах саламлĕç. Анат Туçари Владимир Гавриловичпа Валентина Алексеевна Перепелкинсем те çак уйăхрах ылтăн туйне паллă тăваççĕ.

Хирти Пикшикри Вазых Зарифулловичпа Алиабану Абдулловна Хамдеевсене вара бриллиант туй ячĕпе ăшă салам сăмахĕсем çитĕç. Хисеплĕ мăшăр тăватă ача çуратса ỹстернĕ.