ЮЛАШКИ çулсенче Шăнкăртамри çамрăксем вĕренỹре те, спортра та, общество пурнăçĕнче те палăрмалах çитĕнỹ туни савăнтарать.

Акă, çак кунсенче çеç Раççей спорт министрĕ Олег Матыцин Чăваш Енри пилĕк спортсмена "Раççей спорт мастерĕ" ят пани пирки приказа алă пуснă. Вĕсем хушшинче пирĕн ентешĕмĕр, спорт мастерĕн кандидачĕ, тĕнче чемпионачĕн пăхăр призерĕ, 2022 çулта корэш енĕпе Раççей Кубокне çĕнсе илнĕ Ранис Кардонов та пур. 2022 çулхи кăтартусемпе вăл Юхмапа Пăла тăрăхĕнчи "Чи ăста спортсмен" ята та тивĕçнĕ. Çамрăк спортсмена малашне те пысăк ăнăçу сунатпăр! Ранис Радифович Украинăри ятарлă çар операцийĕнче те тỹрĕ чунпа çĕршыв умĕнчи тивĕçе пурнăçлать. Нумай пулмасть тăван енре отпускра та пулнă.

Сăмах май каласан, çак кунсенче çеç Шăнкăртамри тĕнче класлă Раççей спорт мастерĕ Ринас Садаров та корэш енĕпех виççĕмĕш хут тĕнче Кубокне тивĕçрĕ!