ИРТНĔ эрнере çеç Патăрьелĕнчи аслă çул çинче мотоциклпа пыракан çул çитмен ача каçхине аварие çакланни пирки çырнăччĕ. Ашшĕ-амăшне те ачасене руль умне ларма ирĕк памалла мар пирки çирĕп асăрхаттарнăччĕ. Июлĕн 10-мĕшĕнче каллех 14 çулхи арçын ача мотоциклпа авари тунă. Çакскер каçхине 22 сехет çитеспе Первомайски территори уйрăмне кĕрекен Анат Чакă ялĕнче ют çын мотоциклĕпе 11 çулхи хĕрачана çапса хăварнă. Суранланнă хĕрачана васкавлă пулăшу машинипе Шупашкарти больницăнах ăсатнă. РФ ШĔМĕн муниципалитетсем хушшинчи "Батыревский" уйрăмĕн ГИБДД пайĕнчен пĕлтернĕ тăрăх çулталăк пуçланнăранпа 38 çынна транспорт хатĕрĕпе çỹреме ирĕк паракан документ пулманнипе, транспорта водитель удостоверенийĕ çук çынна панипе 6 çынна явап тыттарнă. Юлашки тĕслĕхре çул çитмен ачашăн ашшĕ-амăшĕн явап тытма тивĕ.