Чăваш писателĕ, педагог, Тăван çĕршывăн Аслă вăрçин участникĕ Матвей Алексеевич Сакмаров (Матви Сакмар) (12.07.1913- 2005 çулхи февраль уйăхĕнче вилнĕ) 110 çул каялла Пăлапуç Пашьелĕнче çуралнă.

 М. Сакмаров - Канашри педагогика техникумĕн, Хусанти патшалăх университечĕн, Юристсен шкулĕн (Мускав хули) выпускникĕ, 50 çул ытла учитель пулса ĕçленĕ. Вăл статьясем, калавсем, фельетонсем çырнă. Унăн ĕçĕсем районти "Авангард" хаçатра, "Капкăн" журналта кун çути курнă. Матвей Алексеевич А. Гайдарăн "Тимур и его команда" повеçне чăвашла куçарнă. Çавăн пекех пирĕн ентешĕмĕр "Автанпа турткăш", "Мăр-мăр кушак", "Пирĕн йĕтĕн" кĕнекесен авторĕ.

Вăл Хĕрлĕ Çăлтăр, I степень Тăван çĕршывăн Аслă вăрçин орденĕсене, Жуков медальне тата ыттисене те тивĕçнĕ

. ("Çулталăк кĕнекинчен")