Шăмăршă муниципалитет округĕнчи "Исток" çĕр ĕç фирмин сунар хуçалăхĕнче персе пăрахнă хир сыснин анализне илнĕ хыççăн чĕр чун усал амакпа чирли палăрнă. Чăваш Республикин Пуçлăхĕн хушăвĕпе килĕшỹллĕн кунта халĕ карантин йышăннă. Ялсем хушшинче блок-постсем йĕркеленĕ, сунар хуçалăхне кĕмелли çулсене пỹлнĕ. Усал чире тĕп тăвассипе ятарлă ушкăн ĕçе пикеннĕ. Унта пурăнакансемпе калаçусем ирттереççĕ, мĕнлерех ĕçсем туса ирттерессине ăнлантараççĕ.

Сăмах май каласан, Африка мурне сиплеме май çук, выльăха вĕлерсе тĕп тумалли çеç юлать. Усал чиртен хỹтĕлемелли вакцина та хальлĕхе шутласа тупайман-ха.

Александр ИВАНОВ