Çанталăк шăрăх тăнăран çĕр пичĕ типсе кайнипе Чăваш Республикин Пуçлăхĕ Олег Николаев республикăра чрезвычайлă лару-тăру пулнине палăртнă. Çакăн пирки вăл июлĕн 14-мĕшĕнче ятарлă хушу кăларса çирĕплетнĕ. Вăл ăна пăрахăçлани çинчен хушу кăларичченех вăйра пулĕ.

Малтанлăха палăртнă тăрăх, Канаш, Вăрмар, Тăвай, Куславкка муниципалитет округĕсенче ял хуçалăх культурисем типĕрен 211, 2 млн тенкĕлĕх шар курнă. Хальхи вăхăтра республикипех ял хуçалăхĕсем мĕн чухлĕ тăкак курнине шутлаççĕ. Çывăх вăхăтрах ЧР ял хуçалăх министерстви ял хуçалăхĕсен тăкакĕсене чакармалли план хатĕрлеме пуçăнать.

(Хамăр корр.)