Кĕçнерникун, июлĕн 20-мĕшĕнче, округра чи малтан "Красное Знамя" тата "Батыревский" хуçалăх ĕçченĕсем вырмана тухрĕç.

Сăкăтсем урпа, Патăрьелсем кĕрхи тулă тĕшĕлеççĕ. Сăмах май каласан, Юхмапа Пăла тăрăхĕнче пĕлтĕр августăн 1-че каçалăк уçăлнăччĕ.

Ĕнерхи кун тĕлне тĕлне муниципалитетри ял хуçалăх предприятийĕсенче 12487 тонна (96,8 процент) утă хатĕрленĕ. 24910 тонна (93,3 процент) сенаж хунă.

 Условнăй пĕр ĕне выльăх пуçне 20,3 центнер апат единици хатĕрленĕ.

Нумай çул ỹсекен курăксен 1390 гектарне иккĕмĕш хут çулнă.

210 гектар сухан-севока кăларнă.

Кĕрхи культурăсем акма 1390 гектар çĕр хатĕрленĕ.