Патăрьел муниципалитет округĕн чрезвычайлă лару-тăрăва асăрхаттарас тата пĕтерес, пушар хăрушсăрлăхĕпе тивĕçтерес енĕпе ĕçлекен комиссин черетсĕр ларăвĕ иртнĕ. Ăна Патăрьел муниципалитет округĕн пуçлăхĕн çумĕ-строительство, çул-йĕр тата пурăнмалли çурт-йĕрпе коммуналлă хуçалăх пайĕн начальникĕ Равиль Ямалетдинов ертсе пынă.

Ларура округ территорийĕнче вăрах вăхăт шăрăх та типĕ çанталăк тăнă май ял хуçалăх предприятийĕсемпе фермер хуçалăхĕсенче уй-хир культурисене сиен кỹнĕ ыйтăва пăхса тухнă. Кун пирки муниципалитет округĕн администрацийĕн экономика, ял хуçалăх тата инвестици ĕçĕ-хĕлĕн начальникĕн çумĕ Андрей Воробьев тухса калаçнă, метеостанци кăтартăвĕпе тăпра типĕлĕхĕ ял хуçалăх культурисене вегетациленĕ тапхăрта сиен кỹнине пĕлтернĕ.

Комисси ларăвĕнче Патăрьел муниципалитет округĕн экономика, ял хуçалăх тата инвестици ĕç-хĕлĕн уйрăмне специалистсене явăçтарса çак ыйтăва çирĕп тĕпчеме, çут çанталăк пулăмĕпе пулнă пурлăх сиенне хаклама, мероприятисен планне туса хатĕрлеме сĕннĕ.

Çавăн пекех комисси Патăрьел муниципалитет округĕнче чрезвычайлă лару-тăрăва "хатĕр пулмалли" ("повышенная готовность") режим йышăну тунă, муниципалитет округĕн администрацийĕ постановлени кăларнă.

 (Хамăр корр.)