УКРАИНĂРИ ятарлă çар операцине хутшăнакан ентешĕмĕрсем хушшинче тĕрлĕрен наградăна тивĕçнисем йышлансах пыраççĕ. Çак кунсенче çеç Сителте çуралса ỹснĕ Кристина Слаповскаяна (хĕр чухнехи Кондратьева) "За боевые отличия" медальпе наградăланă. Хальхи вăхăтра вĕсем мăшăрĕпе иккĕшĕ те çар операцине хутшăнаççĕ.

Кристина Васильевна Саратов облаçĕнчи Вольскри çар институтĕнче аслă пĕлỹ илнĕ. Вĕреннĕ вăхăтрах чиперкке хăйĕн пултарулăхĕпе палăрнă. Хастар хĕрача Мускаври Çĕнтерỹ парадне виçĕ хутчен те хутшăнма тивĕçнине "Авангард" хаçатра та çырнăччĕ.