ИЮЛĔН 25-мĕшĕнче Çĕньялта ирпе-ирех пĕр хуçалăхра тĕтĕм йăсăрланма пикеннĕ. Пушар тухнине сиснĕ ял-йыш нумай шутласа вăхăта ирттермен, пурте унта васканă, "01" служба сотрудникĕсемпе пĕрлех вут-çулăма парăнтарма, ăна кỹршĕсен енне сиксе ỹкес- рен сыхлама кар тăнă. Борис Елимов фермер хуçалăхĕпе Патăрьел муниципалитет округĕнчи депутатсен Пухăвĕн депутачĕ Борис Емельянов хастарсем пулăшнипе тата йĕркеленипе Анатолий Квасов хуçалăхне вут серепине çакланасран сыхласа хăварнă, ăна малалла алхасма паман. Кил хуçи çак хастарсене, кỹршĕ-аршине тата ял-йыша кар тăнăшăн тав туса хаçат редакцине ăшă сăмах çитерчĕ.

Сăмах май каласан, çакнашкал инкекре чылай çĕрте шăпах ял-йыш ĕлĕкхи евĕр пĕрле пулни, инкеке парăнтарма пулăшни çитмест те. Пушар хăватланса пынине кĕсъе телефонĕпе видео ỹкерме васканипе çеç вут-çулăма чарма та, лăплантарма та çук... Кун пек пăтăрмахсем ан пулччăрах та, Çĕньялсем ку тĕлĕшпе ыттисемшĕн ырă тĕслĕх.