Муниципалитет округĕнчи хуçалăхĕсенче вырма ĕçĕсем сарăлса пыраççĕ. Июлĕн 27-мĕшĕ тĕлне 333 гектар пĕрчĕллĕ культурăсене пухса çапнă. Çав шутра 243 гектар кĕрхи тулла тата 90 гектар урпана тĕшĕлесе йĕтем çине кĕртнĕ. Хальлĕхе урпа тухăçĕ гектартан 30, кĕрхи туллăн 29,4 центнер тухать.

12620 гектар нумай çул ỹсекен курăксене çулса кирлин 97,8 проценчĕ чухлĕ утă хатĕрленĕ. 96,3 процент сенаж хунă.

Кашни условнăй выльăх пуçне 20,7 центнер апат единици хатĕрленĕ.

4659 гектар нумай çул ỹсекен курăксене иккĕмĕш хут çулнă.

498 гектар сухан-севока кăларнă.

540 гектар кĕрхи культурăсем акма çĕр хатĕрленĕ.