Çак кунсенче Шупашкарта ăрат енĕпе ĕçлекен республикăри пĕрлешỹре выльăх-чĕрлĕхе искусствăлла майпа пĕтĕлентермелли меслете пурнăçа кĕртме пикенни 90 çул, çак меслетпе отрасльте тарăн селекципе ĕçлеме пуçлани 65 çул тата Чăваш Республикинчи ăрат енĕпе ĕçлекен предприятие туса хуни 50 çул çитнĕ ятпа сумлă мероприяти иртнĕ. Мероприятие агропромышленность комплексĕн хисеплĕ ветеранĕсем те хутшăннă. Вĕсене тỹрĕ чунпа ĕçленĕшĕн, пысăк кăтартусемшĕн Тав хучĕсемпе парне тата асăну медалĕ парса чыс тунă.

Чыслава тивĕçнисем хушшинче Патăрьел муниципалитет округĕнчи агропромышленность комплексĕн ветеранĕ Тальгат Шакуров та пур. Вăл 1967-1983 çулсенче районсем хушшинчи Патăрьелĕнчи выльăх-чĕрлĕх ĕрчетес енĕпе тимлекен пĕрлешĕвĕн директорĕ пулнă.

(Хамăр корр.)