Аслă Чемен ял библиотекинче Украинăри ятарлă çар операцине хутшăнакан Юрий Чихинпа тĕл пулу иртнĕ. Çар служащийĕ унти лару-тăрупа, салтаксен пурнăçĕпе кĕскен паллаштарнă, хăйĕн малашлăх тĕллевĕсене палăртнă. Мăшăрланса туй тăвассине те пытарман. Аслă Чемен тата Тури Чакă ялĕсенче пурăнакансене, ентешĕсене çар операцийĕнче пулăшу парса пынăшăн, хавхалантарнăшăн ăшă сăмахсем каланă.

 Ял территорийĕн пайĕн начальникĕпе Станислав Капитоновпа Хĕрарăмсен канашĕн председателĕ Людмила Ежова вырăнти пурнăçпа паллаштарнă.

Тĕл пулăва хутшăннисем Юрие кану вăхăтĕнче ял пурнăçĕпе туллин киленме, çĕнтерỹпе тата сывлăхпа тăван кĕтесе каялла таврăнма ырă суннă.

Альбина ИВАНОВА