Публицист, прозаик, поэт, журналист, Раççей Писателĕсен союзĕн членĕ Валентин Андреевич Смирнов (03.08.1948-06.07.2021) 75 çул каялла Патăрьелĕнче çуралнă.

В. Смирнов - И.Н.Ульянов ячĕллĕ Чăваш патшалăх университечĕн выпускникĕ. 1971-1974 çулсенче Патăрьелĕнчи шкул-интернатра воспитатель пулса, 1975-1977 çулсенче Патăрьел райисполкомĕнче, 1977-1979 çулсенче КПСС райкомĕнче инструкторта, 1979-1991 çулсенче республикăри профсоюз организацийĕсенче ĕçленĕ. Пĕтĕм тĕнчери халăхсен хушшинчи тĕн академийĕн конфесси хутшăнăвĕсен пайне (Мускав хулинче) ертсе пынă. Атăлçи университечĕн деканĕ, Шупашкарти 50-мĕш шкулта истори учителĕ пулса ĕçленĕ.

Унăн кĕнекисем: "Азбука юного христианина", "Алексей Майраслов. Монументальное искусство", "Будьте счастливы, люди земли!", "Сказал Господь...", "Светильник разума", "Песнь патриарху, апостолу и просветителю земли Чувашской Иоанну Яковлевичу Яковлеву - Чăваш çĕрне çутта кăларнă Иван Яковлевич Яковлев патриарх тата апостол ячĕпе хывнă мухтав юрри" тата ыттисем те.

 ("Çулталăк кĕнекинчен")