ПАТĂРЬЕЛ муниципалитет округĕнчи ЗАГС пайĕ август уйăхĕнче те çемье юбилярĕсене йăлана кĕнĕ уяв ячĕпе саламлĕ. Хальхинче ăшă сăмахсене Шăнкăртамри Кираметдинпа Гельзияда Юсуповсем, Тутар Сăкăтĕнчи Нотфуллапа Миннур Махмутовсем, Патăрьелĕнчи Валерийпе Светлана Енилинсем, Çĕньялти Анатолийпе Вера Шакинсем тивĕçĕç. Ылтăн туя хатĕрленекен мăшăрсем пурте 50 çул пĕрле килĕштерсе пурăнаççĕ, кашниех виçшер ача çуратса ура çине тăратнă.

Первомайскинчи Иванпа Нина Смирновсем вара тата ытларах çул пĕр сукмакпа утаççĕ. 1968 çулхи августăн 9-мĕшĕнче каччăпа хĕр çывăх тăванĕсемпе туй кĕрлеттернĕ пулнă. Унтанпа шăпах 55 çул çитет!