Çу уйăхĕсене хĕвел çинче хĕртĕнме, канма, выляса-савăнма вăхăт çителĕклех. Алла кĕнеке тытакансем те сахал мар. Шăнкăртамри ача-пăча библиотекинче вара интереслĕ те илĕртỹллĕ мероприятисем те йышлă иртеççĕ.

Чăваш Республикин мăсăльман тĕн управленийĕ йĕркеленипе ялти мечĕтсенче ачасен сывлăхне çирĕплетекен çуллахи лагерьсем те ĕçлерĕç. Вĕсене куллен 200 ытла ача çỹрерĕ. Лагерьсенче канакан çитĕнекен ăру ялти ача-пăча библиотекине те сукмак такăрлатрĕ. Вĕсен канăвне интереслĕ ирттерес тесе Сириня Айзатуллова библиотекарь тĕрлĕ конкурс, квест вăйăсем, çавра сĕтел хушшинчи калаçусем, кĕнеке выставкисем йĕркелерĕ. Ачасем канупа кăмăллă.

(хамăр корр.)