ПАТĂРЬЕЛ муниципалитет округĕнчи территори пайĕсенче çулталăкне темиçе хутчен те масарпа унăн таврашĕнчи хыт хурана çулаççĕ, хăрнă йывăçсене илсе тухаççĕ тата ытти те. Сăваплă вырăнта тирпей-илем тăвас текенсем сăмахсăрах субботниксене хутшăнаççĕ. Çак кунсенче Аслă Чеменсем те кар тăрса ял масарне тирпейленĕ, карта таврашĕнче ỹссе кайнă курăка, йăмрапа чие хунавĕсене кăкланă. Ял çыннисем ырă ĕçе кăмăлтан хутшăннă, çỹп-çапа тракторсемпе илсе тухнă.

Çакнашкал субботниксене ытти ялсенче те йĕркелемелле, масар территорине тирпейлĕ те таса тытмалла.