АВГУСТ уйăхĕ çу кунĕсен юлашки тапхăрĕ пулин те урамра çав-çавах шăрăх тăрать-ха. Хĕвел шевли çынсене ĕшентерет, вăйран та ярать, çав вăхăтрах шыв хĕрринелле, кану вырăннелле те йыхăрать. Ун пек чухне аслисем те, кĕçĕннисем те çан-çурăма уçăлтарма шыв хĕрринелле туртăнаççĕ. Çавăнпа та шăрăх çанталăк никама та хуйхă илсе ан килтĕр тесен муниципалитет округĕнче шыва кĕме ирĕк панă вырăнсенче çеç ишме юрать. Çул çитмен ачасене вара кỹлĕ хĕррине хăйсем тĕллĕн ямалла мар.

Инкек куçа курăнса килмест. Шывăн турачĕ те çук. Акă, çак кунсенче çеç республикăра виçĕ кунта пилĕк çын путса вилнĕ!